БЕЗНЕҢ ГЕРОЙЛАР рубрикасы буенча яңалыклар
-
МХО батыры әнисе Фәнә Мөхәммәтова: «Улым турында сөйләргә кыенсынам, «Жуков» медале белән бүләкләнүен дә беркемгә дә әйтмәдем»
Фәнә Мөхәммәтова олы яшьтә булса да, махсус хәрби операциядәге солдатларга даими булышып тора, тора-бара «Без бергә» волонтерлар фондының актив әгъзасына әйләнде. Әмма фотога төшәргә , үзе турында сөйләргә бер дә яратмый. МХО батыры әнисе буларак, Казанга Халыкара хатын-кызлар көненә багышланган бәйрәмдә чакырылгач, сүз иярә сүз чыгып, беркадәр ачылып китте дә, шаккаттырды. Баксаң, Фәнә апаның уртанчы улы Равил Гайнетдинов инде ике елга якын махсус хәрби операциядә икән, батырлыклары өчен «Жуков» медале белән бүләкләнгән.
-
Сезнең улларыгыз батырлык үрнәге!
Казанда 8 Март Халыкара хатын-кызлар көненә багышлап оештырылган республикакүләм бәйрәмдә илебез киләчәге өчен махсус хәрби операциядә көрәшүче батырларның әниәренә аеруча зур игътибар бирелде. Яңа төзелгән Галиәсгар Камал исемендәге академия театрында Татарстан Республикасы Рәисе Рөстәм Миңнеханов белән очрашу, зур концерт программасы тәкъдим ителде. Казанга килүгә үк бәйрәм кунакларын «Корстон» күңел ачу комплексында иртәнге, ә зур концерт программасыннан соң төшке аш белән сыйладылар. Актаныш делегациясендәге геройлар тәрбияләп үстергән дүрт ана- Чалманарат авылында яшәүче Ләйсән Мөхәммәтова, Актаныштан Фәнә Мөхәммәтова, Надилә Шәңгәрәева, Илина Арсланова кебек әниләргә Рөстәм Миңнеханов «Сезнең улларыгыз батырлык үрнәге! Аларның геройлыгын без һәрвакыт хәтердә тотарбыз!», дип мөрәҗәгать итте.
-
Актаныш районы башлыгы Ленар Зарипов махсус хәрби операциядә һәлак булган герой-якташыбызның “Батырлык ордены”н апасына тапшырды
Бүген Актанышның Әлфия Авзалова исемендәге район мәдәният сараенда 8 Март- Халыкара хатын-кызлар көненә багышланган зур бәйрәм тантанасы узды. Район башлыгы Ленар Зарипов гүзәл затларыбызны бәйрәм белән котлагач, аларга хөкүмәт бүләкләре тапшырды. Алар арасында махсус хәрби операциядә батырларча һәлак булган якташыбыз Радик Солтановның апасы Лариса да бар иде.
-
Илләр белән ирләр сыналганда
2022 елдан бирле дәвам итүче махсус хәрби операциягә өлешчә мобилизация кысаларында Актаныш районыннан 106 кеше мобилизацияләнде, 145 райондашыбыз контракт төзеде. Илебезнең тынычлыгы, киләчәге өчен көрәшүчеләр арасында Колын авылы егете Илмас Гыйлаҗев белән Такталачыктан Динар Нәбиев та бар. Махсус хәрби операция батырлары икесе дә Татарстан Республикасы Рәисе Рөстәм Миңнеханов катнашындагы Ватанны саклаучылар тантанасында хөрмәтләнделәр.
-
Безнең заман герое: Якташыбыз, МХО батыры Рөстәм Вәлиев, үлгәннән соң, Батырлык ордены белән бүләкләнде
Актаныш муниципаль район Советы сессиясендә тантаналы һәм күңелләрне тетрәндерерлек вакыйга булды. Махсус хәрби операция барышында батырларча һәлак булган хөрмәтле якташыбыз Рөстәм Гафурҗан улы Вәлиев үлгәннән соң Батырлык ордены белән бүләкләнде.
-
Махсус хәрби операциягә гуманитар йөк илтүче Руслан Ханов якташ сугышчылардан кайнар сәлам җиткерә
Актанышлылар 16 февральдә махсус хәрби операциягә унҗиденче гуманитар йөк илтергә юлга кузгалды. Инде дистәдән артык шушы озын-катмарлы юлларны кичкән алыштыргысыз озатучыбыз Руслан Ханов һәр якташ сугышчыбызга райондашлар җибәргән кайнар сәламнәр белән күчтәнәчләрне тапшыра.
-
Богады авылы халкы махсус хәрби операциядәге сугышчының гаиләсенә ярдәм итте
Иске Богады авыл җирлегеннән махсус хәрби операциядә 13 егетебез илебезнең киләчәге өчен неонацизмга каршы көрәшә. Ни кызганыч, аларның өчесе яу кырында батырларча һәлак булдылар. Яраланучылар да бар. Шуларның берсе- Данис Солтанов бүгенге көндә Санкт Петербург шәһәрендә дәвалана. Авыл халкы бу минутларда Данисның якыннарына, гаиләсенә ныклы терәк булырга тырыша.
-
Махсус хәрби операциядә катнашучы Шәбез егете Руслан Гайсин I дәрәҗә «Хәрби батырлык өчен» медале белән бүләкләнде
Махсус хәрби операциядә катнашучы Актаныш егетләренең батырлыгы турында бер-бер артлы куанычлы хәбәрләр алабыз. шушы көннәрдә Актаныш районы Шәбез авылында туып-үскән Руслан Гайсин I дәрәҗә «Хәрби батырлык өчен» медале белән бүләкләнде.
-
Мы безмерно гордимся подвигом наших земляков в СВО
С радостью и гордостью сообщаем о героическом поступке нашего земляка — рядового Харисова Радмира Айратовича, уроженца деревни Татарские Суксы Актанышского района. Его самоотверженные действия в ходе специальной военной операции не только спасли жизни его соратников, но и предотвратили уничтожение значительного количества боевого оружия и техники.
-
Якташыбыз, Такталачык авылы егете Илгиз Сәлимгәрәев «За отвагу»- «Батырлык» өчен медале белән бүләкләнде
Хәрби хезмәткә җаны-тәне белән бирелгән Илгиз Сәлимгәрәев әле махсус хәрби операция башланганчы ук «Тимер» батальонына языла. Хәер батырлыкка юл аның балачагыннан ук башланмадымы икән? Такталачыкта ата-анасының таянычы булып ике апасыннан соң туган ир бала барлык авыл эшен дә җигелеп эшли. Польшада армия хезмәтен үткәндә шофер һөнәрен бар нечкәлекләренә кадәр үзләштерә. Булганның кадерен белү, һәм автомобильләргә мәхәббәте батырлык кылырга зур этәргеч ясый. Илгиз, махсус хәрби операциянең иң кайнар ноктасында ут эченә кереп өч йөк машинасын алып чыга. Якташыбызның батырлыгы «За отвагу»- «Батырлык» өчен медале белән бәяләнде.
-
Якташыбыз Фердинанд Гыйләҗетдинов «Батырлык өчен» медале белән бүләкләнде
Яңа Җияш авылында туып үскән махсус хәрби операциядә катнашучы якташыбыз Фердинанд Гыйләҗетдинов Россия Кораллы Көчләре бүләге — «Батырлык өчен» медале белән бүләкләнде.
-
Махсус хәрби операция батыры Әлфис Шәйхелмәрданов: Яңа елда егетләрнең барысы да туган якларга исән-сау кайтсыннар иде
Махсус хәрби операциядәге батырларның балалары өчен оештырылган Яңа ел кичәсендә башка чаралардан күпкә аерылып торды, нәни генә булсалар да бу кызлар-малайлар аерылу, көтү, сагыну хисләрен, кайберләре инде якын кешеләрен югалту ачысын бик иртә татыганнар. Шуңадырмы, нәкъ менә хәзерге мизгелнең, хәзерге минутларына кадерен белеп калырга тырышалар. Интервью бирергә оялып тормыйлар, кичәдәге алып баручыларның чакыруларына да уңай җавап биреп, уеннарда катнашалар.
-
Батырлар эзеннән
Нияз Фәррахов исеме Актаныш районында яшәүче һәркемгә яхшы таныш. Оста шахматчы, спортчы, киң күңелле, тәртипле, тәрбияле, акыллы егет дип сурәтлиләр аны. Тормышта яшьтәшләренә үрнәк егет ут эчендә- махсус хәрби операциядә дә үзен чын ирләрчә тота. Декабрь аенда Нияз Илдар улының ил алдындагы батырлыгы лаеклы бәяләнеп, әнисе Ираида Фәрраховага улының «Батырлык» ордены тапшырылды.
-
Актанышның Алдынгылар җыенында геройларыбызның гаиләләренә «Батырлык» ордены тапшырдылар
Бүгенге хезмәтсөярләрне данлый торган Алдынгылар җыенында Украинада барган махсус хәрби операциядә күрсәткән батырлыклары өчен актанышлылар герой якташларыбызны искә алдык. Актаныш районы башлыгы Ленар Зарипов сугышчан бурычын үтәгәндә батырларча һәлак булган райондашларыбызның гаиләләренә «Батырлык ордены» тапшырды.
-
«Безнең геройлар» сәхифәсен башлыйбыз
«Безнең геройлар» сәхифәсендә үз тормышын махсус хәрби операция белән бәйләгән, дәүләт бүләкләренә лаек булган якташларыбыз турында сөйләрбез.
