Өмәгә чакырабыз

Авылыбыз Түбән Гәрәй авылы ямьле урында урнашкан, көннән-көн матурлана. Борчыган мәсьәләбез дә бар. Зират ихатасын төзекләндерәсе бар. Шул максаттан авылдашлар белән киңәшләшеп, материал алу өчен акча җыйнадык. Битараф калучылар булмады диярлек. Бүгенге көндә 45000 сум акча җыйналды, өлешчә материал кайтартылды. "Агыйдел" нефть кудыру станциясе җитәкчесе Илсур Фәрих улы Шәрипов ярдәме белән 100 метр арага җитәрлек калай материалы кайтты.
Матди ярдәм күрсәткән оешма җитәкчесе Илсур Фәрих улына һәм өлеш керткән авылдашларга рәхмәт.
Май бәйрәмнәрендә авылдашларны зират өмәсенә чакырабыз.