Аш пешергәндә пәрдәгә ут капкан...

Янгын кичә Күгәрчен районының Морак авылында шәхси йортта булган.

"Хатын аш пешергән. Ниндидер мизгелдә ул залга йөгереп кергән һәм, кухняда пәрдә яна башлады, янгын чыкты, дип кычкырган! Ире бик начар хәрәкәт иткән, шуңа күрә кухняга хатын тизрәк чыккан. Ире кухняга кергәндә анда инде барысы да ут эчендә булган, ә ачы төтен бинаны тулысынча тутырган. Ир ялкынны сүндерергә тырышып караган, ләкин көчле пешүләр алган, ә аннары идәндә яткан хатынын күргән, ул инде аңсыз булган», — диләр МЧСның матбугат хезмәтендә.

II һәм III дәрәҗәдәге пешүләр белән ир ашыгыч рәвештә дәваханәгә китерелгән, ә хатын һәлак булган.

Вакыйга урынына килгән янгын сүндерүчеләр утны бик тиз сүндерә алган.