Без бүген кунаклар кабул иттек

Бүген Актанышның беренче санлы мәктәбенең 3А сыйныф укучылары, сыйныф җитәкчеләре Илиза Ахунова белән берлектә,  Актаныш муниципаль районының мәгълүмат-мөхәррият үзәгенә экскурсиягә килделәр. 

Укучылар зур кызыксыну белән “Актаныш таңнары” газетасының барлыкка килү этапларын күзәттеләр, радио һәм телевидениедә тапшырулар әзерләнеше белән таныштылар. 

Алар  мәгълүмат-мөхәррият үзәге хезмәткәрләренә кызыклы экскурсия өчен рәхмәт сүзләрен җиткерделәр һәм киләчәктә дә иҗади уңышлар теләделәр.