«Ромашка» балалар бакчасында «Мәктәпкәчә яшьтәге балаларның сөйләм үсешендә сәламәтлек саклау технологияләре» район семинары узды.

Исеменнән үк күренгәнчә, педагоглар балаларның сөйләмен камилләштерүдә белемнәрен системалаштырдылар, сөйләм үсешенең заманча технологияләрен гамәлгә ашыруда педагогик эш тәҗрибәсе белән уртаклаштылар, әлеге юнәлештә гамәли эш күнекмләрен баеттылар. Бакчаның тәҗрибәле, югары квалификацион категорияле тәрбиячеләре Лотфуллина Ләйсән Глүс кызы, Гыйльфанова Зәйнәп Роберт кызы, беренче категорияле тәрбияче Гыйбадуллина Рәзилә Марсель кызы туган телебездә сөйләм үсеше эшчәнлекләре күрсәтсәләр, югары категорияле тәрбияче Альбина Рәшит кызы Ибраһимова балаларны рус теленә өйрәтү һәм рус телендә театр эшчәнлеге тәкъдим итте. Балаларны туган телебездә иркен аралаша, матур итеп сөйләшергә өйрәтү өчен күп төрле методлар, уен-технологияләр белән уртаклаштылар алар. Беренче категорияле логопед-тәрбияче Вагизова Алиса Фәндәс кызы "Логопедиядә СибБорд куллану", югары категорияле тәрбияче Гайнуллина Гөлназ Рәсүл кызы "Тимбилдинг - лабириннт" уеннарын куллану буенча мастер класс үткәрделәр. Сабирова Рәзинә Рафил кызы, Галимарданова Гөлшат Риф кызы, Хабибуллина Альбина Мөдәрис кызы, Шарафуллина Хәнис Хәмзәнур улы  балаларның сөйләм үсешендә сәламәтлек саклау технологияләрен куллану буенча ярдәмлекләр, мәгълумати ярдәмлекләр тараттылар. Район балалар бакчалары тәрбиячеләре "Ромашка" бакчасының тәҗрибәсен үзләрендә кулланырга дигән фикер белән таралыштылар.