“Нәүрүз гүзәле“ бәйгесе

Арабызда яшәүче милли рухлы, чибәр, сөйкемле, бай күңелле кызларны халыкка таныту, милли гореф-гадәтләрне саклап калу максатыннан оештырылган әлеге бәйгедә 13-20 яшьлек кызлар катнаша ала.
Кызларның чыгышларын бәяләгәндә тышкы һәм эчке матурлыкка, җыр һәм биюгә осталыкка, зирәклек һәм эрудициягә, модага, кием-салымга мөнәсәбәтенә, ягъни зәвыклылыгына һәм кыюлыгына игътибар ителә.
Бәйгедә катнашу өчен 19 мартка кадәр 3-09-26 яки 8-952-048-43-18 телефоннары аша мөрәҗәгать итүегез сорала. Рәхим итегез, үз-үзегезне сынап карагыз- "Нәүрүз гүзәле" исеме сезне көтеп кала.