Үзең укыган мәктәпкә булыш

Кайда гына яшәсәк тә, кем генә булып эшләсәк тә, без үзебезгә белем биргән укытучыларыбызга, мәктәбебезгә бурычлы. Еллар үткән саен мәктәп коридорлары, укыган сыйныф бүлмәсе, парталар сагындыра. Күңелебез белән генә булса да без шул елларга еш кайтып киләбез. Күңелле дә, моңсу да булып хәтер түренә уелган истәлекләрне барлыйбыз. Вакытлар узган саен мәктәп биналары да "картая", бездән ярдәм көтә. Шуның өчен Республикада "Үзең укыган мәктәпкә булыш" акциясе бара. Мөмкинлеге булган һәркем кулыннан килгән кадәр укыган мәктәбенә булышса, үзеннән зур истәлек калдырыр иде.