Актаныш урманнарындагы кабаннарны африка чумасы дуңгызы авыруына тикшерәләр

Африка дуңгызы чумасы кабаннарга һәм йорт дуңгызларына зыян салучы йогышлы авыру. Актаныш районында дуңгыз асрамасалар да, профилактика эшләре бездә дә алып барыла. "Кыргый кабан" айлыгы кысаларында районыбыз урман-кырларында яшәүче өч кабан дуңгызы тотылып, биологик үрнәкләре тикшерү өчен Казандагы лабораториягә озатылды. 

Актаныш районында терлекләр арасындагы авырулар тискәре мониторингта. Республикада профилактика айлыгы барышында райондагы кыргый хайваннарга, аеруча кабаннарга игътибарны тагы да арттырабыз. Ветеринария хезмәткәрләре, «Россельхознадзор», аучылык җәмгыяте вәкилләре белән кабаннар йөри торган басуларга, урманнарга чыгабыз, эзләрен карыйбыз, тикшерәбез. Лаборатория анализлары да яхшы булыр дигән ышанычта калабыз,- диде район ветеринария берләшмәсе җитәкчесе Фиргать Абдрахманов.