Урамнарны яшелләндерүгә район башлыгы Энгель Фәттахов үз өлешен кертте

Технология техникумы студентлары 57 нче бистәгә чыгучы Салих Хөснияров урамы буйлап, өстәп чыршы үсентеләре утыртты. Әлеге игелекле гамәлгә район башлыгы Энгель Фәттахов та кушылып, чыршы агачы утыртты. 

Һәр кеше үз гомерендә ким дигәндә ике агач утыртырга тиеш , диләр. Шуңа күрә район белән бергәләп айлык кысаларында  агач утырту эшләрен башкарып чыгарга иде. Райондашларны анда актив катнашырга чакырам. Һәрберебезнең урам аллары, ихаталары, эшләгән урыннары бар. Аларның мәйданнарын агачлар белән бизәп, районны яшелләндерүдә үз өлешебезне кертсәк иде, –  диде Энгель Фәттахов.