Районда коронавирус инфекциясе белән бәйле вәзгыять киеренкеләнә

     Коронавирус инфекциясе белән бәйле вәзгыять киеренкеләнә бара. Район үзәк хастаханәсенә югары температурадан, хәлсезлектән зарланып мөрәҗәгать итүчеләр арта.

Бүген баш табиб урынбасары Рөстәм Могътазиров әйткән мәгълүматлар буенча, ОРВИ һәм үпкә ялкынсыну диагнозы куелган 72 райондашыбызга амбулатор дәвалану билгеләнгән. 14 авыру Чаллы хастаханәләренә, 15е Минзәләләдәге COVID-госпитальгә җибәрелгән.

Ел башыннан 109 авыруның  66 сында короновирус диагнозы расланган, 55 авыру тулысынча терелеп аякка баскан. Ни кызганыч, 4 авыру тернәкләнә алмыйча, якты дөнья  белән саубуллашкан.

      60 яшьтән өлкәнрәк райондашларыбыз аеруча игътибар үзәгендә: өлкәннәрдә үпкә ялкынсынуның беренче билгеләре сизелүгә үк ашыгыч ярдәм хезмәте Минзәләдәге госпитальгә, Чаллыдагы инфекцион авырулар хастаханәсенә һәм 5 нче санлы хастаханәгә дәваланырга илтә.