Татарстанда «Куркынычсызлык каешы» оператив-профилактик чарасы башланды

«Куркынычсызлык каешы» оператив-профилактик чарасының максаты – куркынычсызлык каешын куллануда хокук бозуларны профилактикалау һәм булдырмау.

РФ Юл йөрү кагыйдәләренең 2.1.2 пункты нигезендә, куркынычсызлык каешы белән җиһазландырылган транспорт чарасында хәрәкәт иткәндә, механик транспорт чарасын йөртүче үзенең куркынычсызлык каешын эләктерергә тиеш һәм  пассажирларын да куркынычсызлык каешын эләктертмичә йөртмәскә тиеш.

Татарстан Республикасы буенча ЭЭМ Дәүләт автоинспекциясе юл хәрәкәте кагыйдәләрен тайпылышсыз үтәргә чакыра!