Ленин проспектында җәяүлене бәрдергән автомобиль йөртүче исерек булган

              Җәяүлене тиз арада килеп җиткән ашыгыч ярдәм машинасында хастаханәгә озаталар.

             Юл фаҗигасе 20.35 сәгатьтә, ягъни төнге вакытта теркәлә. Җәяүле юл кичүе аша чыкканмы, әллә кичү билгеләнмәгән урында авария булганмы- бүген әлеге юл фаҗигасе буенча хокук саклау органы вәкилләре җентекле тикшерү үткәрә.

               Ә менә машина йөртүченең эчкән хәлдә руль артына утыруы инде ачык билгеле. Бу хакта район ЮХИДИ бүлеге җитәкчесе Ренат Шәмсиев белдерде.

             Хөрмәтле райондашлар! Көзге һәм кышкы чорда якты вакыт кыскара, һава шартлары да еш үзгәреп торучан, яңгыр, кар яву, томан юлдагы вәзгыятьне кискенләштерә. Тизлек режимын, хәвефсез дистанцияне саклау, маневрлар ясаганда сак булу һәм тормозга басу фаҗигане булдырмый калырга ярдәм итәр. Үзегезне һәм якыннарыгызны саклагыз!