Актаныш районында «Автотуташ — 2023» титулын кем алыр?

Бәйге нигезләмәсе кагыйдәләренә тукталсак: Актаныш районында теркәлгән, «В» категорияле йөртү таныклыгы булган, шәхси автомобильле хатын-кызлар катнашу хокуклы.

Катнашырга теләгәнннәрнең яше чикләнмәгән икән. Гаризалар 13 июльгә хәтлем 89375991891 телефон саннары(яки WhatsApp аркылы кабул ителә) — ЮХИДИ Актаныш районы буенча профилактика бүлеге җитәкчесе Ләйсән Рәдиф кызы Мөхәммәтова. 

Бәйге биремнәре биремнәре белән дә таныштырыйк:

• компьютерда билетлар чишү;
• фигуралы автомобиль йөртү;

Ә менә өстәмә иҗади бирем аерым бәяләнә һәм бүләкләнә:

• автомобиль бизәлеше һәм иҗади итеп яклау;
• «Юл хәрәкәте куркынычсызлыгына хатын-кыз карашы» темасына баннер яки видео ясау.

Матур традициягә әверелгән әлеге бәйгедә гүзәл затларыбызны катнашырга чакырабыз, яңадан-яңа уңышлар теләп калабыз!