«Тыныч ау» бәла белән тәмамланмасын

Гадәттән тыш хәлләр буенча дәүләт комитетында урманга йөрүнең кагыйдәләрен искә төшерделәр. «Тыныч ау»га тәүлекнең көндезге сәгатьләрендә барырга һәм бары тик билгеле маршрутлар белән йөрергә кирәк.

• Гөмбә артыннан ялгыз йөрергә киңәш ителми, туганнарыгызга һәм якыннарыгызга үз планнарыгыз һәм маршрутыгыз турында хәбәр итегез. Үзегез белән шырпылар, фонарь, азык-төлек һәм су запасы, телефон алыгыз.

• Ачык төстәге кием кияргә кирәк. Әгәр дә кеше югалса, аны табу җиңелрәк булачак.
• Юлны истә тотыгыз, ауган агачларга, агач төпләренә, ярыкларга, инешләргә игътибар итегез, алар ул-бу була калса ориентир төзергә ярдәм итәчәк.
• Әгәр адашсагыз, юл, елга тавышын исәпкә алыгыз. Һәрбер юл иртәме-соңмы торак пунктка алып чыгачак. Коткаручыларга кәрәзле телефоннан 112 номеры буенча шалтыратырга мөмкин. Ачык җиргә (болын, елга яры) чыгыгыз һәм ярдәм көтегез.