Татарстанда ТАССРның 100 еллыгы уңаеннан массакүләм чаралар августка якынрак узачак

Татарстанда ТАССР йөзьеллыгы уңаеннан массакүләм чаралар җәйнең икенче яртысында үткәрергә планлаштыралар. Бу хакта ММЧ вәкилләре белән онлайн-очрашуда ТР мәдәният министры Ирада Әюпова хәбәр итте.

"Җәйнең икенче яртысында без массакүләм чаралар үткәрә алырбыз дип өметләнәм. Алар августка якынрак башланачак", - диде Әюпова.

Бүген истәлекле даталарга багышланган чаралар социаль челтәрләрдә онлайн-форматта алып барыла. 
 

Элегрәк "Татар-информ" мәгълүмат агентлыгы хәбәр иткәнчә, Россия Президенты Владимир Путин Җиңү парадын 24 июньдә уздырырга йөкләде.