Чишмә авылында яңа кибет сафка басты

Актаныш районының Чишмә  авылында “Авыл кибете” республика максатчан программасы буенча, халыкка комплекслы хезмәт күрсәтү пункты ачылды.

- Чишмә авылы яныннан Кар кызы белән үтеп барганда, биредә нинди тамаша икән, халык күп җыелган дип, сезнең янда тукталырга булдык. Сездә бүген зур шатлыклы вакыйга, яңа кибет ачыла икән. Кибетегез гөрләп эшләсен, сәүдә уңышлы барсын, кибет киштәләре төрле товарлардан сыгылып торсын, халкыгыз бай, сәламәт булсын, - дип сүзен башлады тантанага килгән Кыш бабай.

Авылның үзешчәннәре халыкны матур җырлары белән сөендерде.

Тантаналы төстә кызыл тасманы кискәннән соң, халык кибеткә узды. Биредә иң кирәкле товарлар куелган, барысы да тазә, ассортименты бай. Иң мөһиме, җирле товар җитештерүчеләрнең продукциясе тәкъдим ителгән.