АКТАНЫШТА ҮЗӘК ЧЫРШЫ АЧЫЛДЫ

Хакимият йорты каршына  урын алган искиткеч матур, зәвыклы чыршыны ачу тантанасына райондашлар җыелды. Быел үзәк мәйдан бизәлеше беркемне дә битараф калдыра алмый. Балалар өчен уен зоналары, чыршы бизәлеше, утлар һәркемдә дә бәйрәм кәефе уята. Паркка тәмле шашлык исе таралды.Теләгән кешегә кайнар чәй эчеп, сыйланып алу мөмкинлеге дә бар иде. Олысы да, кечесе дә үзәк чыршы янында җырлап-биеп күңел ачты, рәхәтләнеп тау шуды.

Чыршыны ачу тантанасында район башлыгы Энгель Фәттахов катнашты һәм район үсеше өчен өлеш керткән һәркемгә олы рәхмәтләрен ирештереп, бәйрәм белән тәбрик итте.