Актаныштан Әфрүзә апаны 90 яше белән котладылар
6 ноябрь- Татарстан Республикасы Конституциясе көне Актаныш авылы Тынычлык проспектында яшәүче Әфрүзә Шәйгәрданова өчен икеләтә бәйрәм, бүген тыл ветераны Әфрүзә Шакирҗан кызына 90 яшь тулды.
Әфрүзә Шәйгәрданованы Актаныш башкарма комитеты җитәкчесе урынбасары Лиана Сираева белән Актаныш авыл башкарма комитеты җитәкчесе Камил Әхмәтгалиев котларга килде.
Лиана Сираева юбилярны район башлыгы, Актаныш муниципаль район советы һәм башкарма комитет исеменнән тәбрик итте, аңа РФ президенты В.Путинның персональ котлавын һәм муниципалитет исеменнән бүләк тапшырды.
Гади генә авыл карчыгы булсам да, онытмыйча, хөрмәт итеп өйгә килеп котлавыгыз өчен бик зур рәхмәт. Шулай ук, илебез, районыбыз җитәкчеләренә дә рәхмәтем зур, – диде Әфрүзә апа тәбрикләүчеләрне озатканда.
Следите за самым важным и интересным в Telegram-каналеТатмедиа
Нет комментариев