Казан-Актаныш арасын якынайтучы яңа төзелгән Кама күперенә яктырту линияләре урнаштыралар

Бу хакта «Идел-Вятскуправтодор» хәбәр итә.

Күпергә 80 терәк монтажлап ябыштырырга һәм аларга диод яктырткычлар урнаштырырга кирәк булачак. Мондый яктырткычларның яктылык тапшыру индексы классик яктырткыч приборларныкына караганда өч тапкырга югарырак, бу тәүлекнең караңгы вакытында күрү мөмкинлеген арттырырга мөмкинлек бирә", - диелә хәбәрдә.

Бу юлга 50 км электр яктырту линиясе урнаштырылачак. Яктыртуны күперләрдә һәм транспорт чишелешләрендә урнаштырачаклар. Ул тышкы яктырту белән идарә итүнең автоматлаштырылган системасына тоташтырылачак. Бу электр энергиясен кабызу һәм сүндерү графигын оптимальләштерү, яктылык көйләү хисабына кулланылучы электр энергиясен 50 процентка кадәр экономияләргә мөмкинлек бирәчәк.

Түбән Кама һәм Яр Чаллыны урап уза торган 1,3 км озынлыктагы күпер Казан – Екатеринбург тизйөрешле маршрутында иң зур ясалма корылма.

Әйләнеп узучы юлда барлыгы 81 км озынлыктагы дүрт полосалы автомобиль юлы, 10 күпер, биш транспорт чишелеше, 11 юлүткәргеч һәм төрле дәрәҗәдәге биш киселеш бар. Күперне 2024 ел ахырына кадәр төзеп бетерү планлаштырыла.

Фото «Идел-Вятскуправтодор» сайтыныкы.