Кучкар (21 март – 20 апрель) Сез берьюлы бик күп төрле эшләр белән шөгыльләнә аласыз. Ләкин моңа әллә ни теләгегез булмас. Сез ял итүне кулайрак күрерсез ахрысы.

Үгезбозау (21 апрель – 20 май) Сезнең өчен бик кызыклы һәм перспективалы эш килеп чыгуы ихтимал. Әмма ул сезгә артык формаль һәм күңелсез булып тоелырга мөмкин. Бу мөмкинлектән шуның өчен генә баш тартмагыз.

Игезәкләр (21 май – 21 июнь) Өйдә, гаилә белән түгәрәк өстәл янында тәмле ризыклар белән сыйланудан тәм табарсыз. Тик бер шарт белән - әгәр аны үзегез әзерләсәгез генә.

Кысла (22 июнь – 22 июль) Сезгә барлык эшләрегездә дә уңыш елмая дип әйтеп булмый, әмма сезнең аларны тормышка ашыру өчен кирәкле бөтен нәрсәгез дә бар. 

Арыслан (23 июль – 23 август) Тирә-юньдәгеләрнең лыгырдавына колак салыгыз. Кемдер, үзе дә сизмәстән, ниндидер даһи фикер әйтеп ташларга мөмкин.

Кыз (24 август – 23 сентябрь) Үз хаксызлыгыңны тану бәхәсләшергә омтылган әңгәмәдәшне коралсызландыра. Бигрәк тә, әгәр сез чыннан да хаклы булмасагыз. Бу тактик адымнан файдалансагыз, низагны булдырмый калдырырсыз.

Үлчәү (24 сентябрь – 23 октябрь) Яңа һәм шактый файдалы проектлар бары тик элемтәләр җитәрлек булмау сәбәпле генә тукталып калырга мөмкин. Бу мәсьәләне чишәргә тырышыгыз.

Чаян (24 октябрь – 22 ноябрь) Кайчандыр кичектерелгән эшкә яңадан тотыну мөмкинлеге килеп чыгачак. Һәм, иң кызыгы, ул гөрләп алга барачак.

Укчы (23 ноябрь – 21 декабрь) Иң яхшысы - вәзгыятьне тыныч һәм уйлап кабул итү. Атна шау-шулы, хис-кичерешләр белән сугарылган гамәлләр өчен бик үк туры килми.

Кәҗәмөгез (22 декабрь – 20 гыйнвар) Вакытыгызның кадерен белегез. Энергиягезне юкка сарыф иткәнче, өй эшләре белән шөгыльләнегез. Гадәттән тыш маҗараларга тап булуыгыз ихтимал.

Сукояр (21 гыйнвар – 18 февраль) Уйланылмаган гамәл яки хата нәтиҗәсендә, бик кызыклы нәтиҗәләргә китерәчәк вакыйга булачак. Аны булдырмый калырга тырышмагыз, югыйсә, үзегезне күңелле маҗаралардан мәхрүм итәрсез.

Балык (19 февраль – 20 март) Дусларыгызның сүзләренә яхшырак колак салыгыз - сезгә ниндидер мөһим нәрсә әйтерләр. Мәгълүмат алуның башка ысуллары булса да, монысыннан да йөз чөермәгез.

Чыганак