Яшь рәссамнарның җиңүе

2020 елның декабрь аенда Ярославль өлкәсенең Тутай муниципаль районында балалар язучысы, драматург Николай Носов исемендәге үзәк балалар китапханәсендә “Носов геройлары парады” халыкара онлайн-конкурсында җиңүчеләрне бүләкләү тантанасы булды.

«Николай Носовның күңелле гаиләсе» номинациясендә Актаныш районы балалар сәнгать мәктәбе укучыларының язучының әсәрләренә багышланган иҗади эшләре, рәсемнәре югары бәяләнде. Аяз Басыйров, Рамил Хәлилов – I дәрәҗә, Алсу Нуруллина – II дәрәҗә, Данил Шәкүров III дәрәҗә лауреат дипломына лаек булдылар. Остазлары – Айрат Сәрвәров.