Татарстанда коронавируска миллионнан артык ПЦР-тест үткәрелгән

Татарстанда яңа коронавирус йогышына ПЦР методы белән миллионнан артык тест үткәрделәр. Бу хакта узган матбугат конференциясендә Роспотребнадзорның ТР буенча идарәсе җитәкчесе урынбасары Любовь Авдонина сөйләде.

“Бүгенге көндә республика буенча тулаем 1 017 813 тест үткәрелгән, ягъни без тест үткәрү өлешендә миллион билгесен уздык", — дип билгеләп үтте спикер.

Узган тәүлектә республикада ПЦР-диагностика методы белән Covid-19га 6 мең 915 тест үткәрелгән.

Элегрәк без Татарстанда тәүлек эчендә 58 кеше коронавирус инфекциясе йоктырган, дип хәбәр иткән идек.