Общество
Татарстанда бер тәүлеккә өч кеше суга батып үлгән
Суга батучыларның гәүдәләре әлегә табылмаган. Узган тәүлектә Татарстан сулыкларында өч кеше батып үлгән, дип хәбәр итә "Татар-информ" мәгълүмат агентлыгына Россиянең Татарстан буенча Гадәттән тыш хәлләр дәүләт идарәсе матбугат хезмәте. Юдино бистәсендәге Зөбәрҗәт (Изумрудное) күлендә 35 яшьлек ир-ат батып үлгән. 2 нче зона эзләү-коткару отряды хезмәткәрләре суга батучының гәүдәсен көндезге сәгатьтләрдән...
Суга батучыларның гәүдәләре әлегә табылмаган.
Узган тәүлектә Татарстан сулыкларында өч кеше батып үлгән, дип хәбәр итә "Татар-информ" мәгълүмат агентлыгына Россиянең Татарстан буенча Гадәттән тыш хәлләр дәүләт идарәсе матбугат хезмәте.
Юдино бистәсендәге Зөбәрҗәт (Изумрудное) күлендә 35 яшьлек ир-ат батып үлгән. 2 нче зона эзләү-коткару отряды хезмәткәрләре суга батучының гәүдәсен көндезге сәгатьтләрдән башлап 21.30 сәгатькә кадәр эзләгәннәр, әмма әлегә таба алмаганнар.
3 нче зона эзләү-коткару отряды хезмәткәрләре Чистай районы янында Кама елгасында 185000 кв.м мәйданда эзләү-тикшерү үткәргәннәр. Шул тирәдә көймә әйләнеп, 41 яшьлек ир-ат юкка чыккан. Гәүдәсе шулай ук әлегә табылмаган.
Актаныш районы Әзәкүл торак пункты янында Доха күлендә 41 яшьлек хатын-кыз суга баткан. 6 нчы зона эзләү-коткару отряды водолазлары 100000 кв м су мәйданында эзләү эшләре башкарган, 3 км елга буе су асты мәйданы да тикшерелгән. Эзләү нәтиҗә бирмәгән.
Следите за самым важным и интересным в Telegram-каналеТатмедиа
Нет комментариев