Синоптиклар әбиләр чуагы быел тагын кабатланмас дип фаразлый

(Казан, 18 октябрь, «Татар-информ»). 2020 елда әбиләр чуагы төгәлләнде. Россиядә быел ул кабатланмаячак. Бу хакта Россия Гидрометеорология үзәгенең фәнни җитәкчесе Романа Вильфандка сылтама белән ТАСС хәбәр итә.

«Куртка һәм баш киеме кимичә генә урамга чыгарлык җылы һава торышы булырга тиеш. Әбиләр чуагы — ул 17-19 градус, әлбәттә мондый җылы һава торышы билгеләре юк», — диде ул. 

Синоптик әйтүенчә, 2020 елда әбиләр чуагы шактый озакка — октябрь урталарына кадәр сузылды. Әмма Россиянең кайбер төбәкләрендә аномаль җылы һава торышы саклана. Мәсәлән, Якутиядә һәм Камчаткада аномалия 12-14 градусны тәшкил итә.

Алдарак «Татар-информ» Казанда быелгы әбиләр чуагының 145 ел эчендә озакка сузылуы буенча икенче булуын язган иде.  

tatar-inform