Сабантуйлар узасы көннәр билгеле?

автор, 4 май 2020 - 14:45

1624

Бүген мессенджерларда Татарстан Президенты Сабантуй узасы көннәр турындагы Указга кул куйган дигән хәбәр таралды. Янәсе Татарстан авылларында милли бәйрәмебез 1-2 июль көннәрендә, ә Казандагысы 15 июльдә икән.

Берничә таныштан әлеге яңалыкны сурәтләгән рәсемнең скриншоты килгәч, чыннан да күпләр бәлки аптырап калгандыр. Беренчедән, коронавирус һаман да җәелгән бер чорда Сабан туйлары турында уйлау мөмкин түгел әле. Икенчедән, көннәре дә атна уртасына туры килә.

Дөрес, бераздан шул ук рәсемнең икенче варианты да килеп чыкты. Анысында бу хәбәрнең 2017 елга караганы күрсәтелгән. Ә беренчесен фейк хәбәр дими, ничек бәйләргә була тагын?