Меркельне бәдрәф кәгазе алганда күргәннәр

Берлин кибетләренең берсендә фрау канцлерны сатып алучылар күреп ала. Шул ук вакытта Алман сәясәтчесе хәвефсезлек кагыйдәләрен үтәми, башкаларны өндәсә дә, үзендә битлек булмый.

Меркель арбасына шәраб шешәләре, бәдрәф кәгазе, банкалар һәм башка кирәкле товарлар белән тутырган була. Бу хакта РТL хәбәр итә. Бу кибеттә, басма мәгълүматлары буенча, фрау канцлер – еш кунак.

Искәртеп узабыз: элегрәк ул коронавирус пандемиясе фонында гражданнарны хәвефсезлек турында кисәтте һәм аңлы булырга – изоляциядә калырга һәм хакимият тарафыннан күрсәтелгән чараларны үтәргә чакырды.

Моннан тыш, Меркель шушы көннәрдә, Германиядә COVID-19 эпидемиясе кабынуы аркасында килеп чыккан авыр хәл якындагы атналарда тагын да катлауланачак, дип белдерде. Шул ук вакытта, ул немецлардан супермаркетлар киштәләрен бушатмауларын үтенде, коты алынган гражданнарның азык-төлек запасына омтылуын "теләктәшлек булмау" дип атады.

Kiziltan