Конституциягә тавыш бирү өчен участок сайлау буенча гаризалар кабул итү башлана

(Казан, 4 июнь, «Татар-информ»). 5 июньнән Татарстандагы Күп функцияле үзәкләр РФ Конституциясенә кертеләчәк төзәтмәләргә фактик яшәү урыны буенча тавыш бирү өчен участок сайлау турында гаризалар кабул итә башлый. Бу хакта Күп функцияле үзәкнең матбугат хезмәте хәбәр итә.

«Барлык теләүчеләр дә 1 июльдә узачак гомумроссия тавыш бирү көнендә «Мобиль сайлаучы» механизмын куллана ала», — диелә хәбәрдә.

Татарстан халкы теркәлү урыны буенча гына түгел, ә фактик яшәү урыны буенча да тавыш бирә ала. Моның өчен 5-21 июнь көннәрендә гариза язарга кирәк». 

https://tatar-inform.tatar/news/society/04-06-2020/konstitutsiyag-tavysh-bir-chen-uchastok-saylau-buencha-garizalar-kabul-it-bashlana-5747715