Идел буе бассейны регионнарындагы табигый объектларны саклау һәм төзекләндерү

Сентябрь ахырында Әстерхан шәһәрендә Дәүләт Думасының экология һәм тирә-як  мохитне саклау комитеты  тарафыннан “Идел буе бассейны регионнарындагы табигый объектларны саклауны хокукый яктан тәэмин итү” дигән тема астында күчмә түгәрәк өстәл янында сөйләшү узды. Анда безнең республикадан  экология, табигатьне куллану, агросәнәгать һәм сәнәгать сәясәте буенча Татарстан Республикасы Дәүләт Советы комитеты рәисе Таһир Хадиев һәм “Түбән Кама су саклагычын эксплуатацияләү  идарәсе” федераль дәүләт учреждениесе директоры Фидаил Минһаҗев катнашты. Түгәрәк өстәл янындагы сөйләшү нигездә Идел буе бассейны регионнарындагы табигый объектларны саклау һәм төзекләндерү, Идел елгасын чистарту буенча булды.