Юл-транспорт һәлакәтендә өч хатын-кызның гомере өзелгән

Авария М5 «Урал» трассасының 1435нче чакрымында килеп чыккан.

Башкортстанда юл-транспорт һәлакәтендә өч хатын-кызның гомере өзелгән, дип хәбәр итә RT.
Авария республиканың Чишмә районында - М5 «Урал» трассасының 1435нче чакрымында килеп чыккан.

Башлангыч фаразларга караганда, 49 яшьлек йөртүче идарәсен югалтып юл читенә очкан һәм машинасы әйләнеп капланган.

57 һәм 60 яшьлек ике пассажир шунда ук һәлак булган. Зыян күргән тагын бер хатын-кызны хастаханәгә озатканнар. Әмма табиблар аның гомерен саклап кала алмаган.

Төрле тән җәрәхәтләре алган машина йөртүчене җирле хастаханәгә китергәннәр.

Авариянең килеп чыгу сәбәпләре ачыклана.
 

чыганак: http://tatar-inform.tatar/news/2018/05/15/163956/