Педагог һәм остаз елы: Яңа Әлем балалар бакчасы педагоглары лаеклы ялдагы остазлар белән очрашты

Бакчабызга балалар бакчасында күп еллар намуслы хезмәтләрен башкарып, хәзерге вакытта лаеклы ялда булган бакча мөдире Рәмилә Әсгать кызы, педагогларыбыз һәм 1972 елдан   беренче хезмәт юлын Яңа Әлем балалар бакчасында башлап, озак еллар районыбызда мәгариф бүлегендә мәктәпкәчә бүлекнең баш белгече булып эшләгән лаеклы ялдагы Мирзаһитова Фәндилә Рәис кызы да чакырылган иде. 

Балалар күчтәнәче "Каз өмәсе" ачык чарасын  караганнан соң, остазларыбыз белән эшлекле уеннар, төрле ситуацияларда калган очракта, аннан  чыгу юллары турында түгәрәк өстәл артында эшлекле сөйләшүләр узды.

Бүгенге бәйрәмебезгә килгән һәр остаз педагогларыбыз үзләренең эш тәҗрибәләре белән уртаклашып, без яшь буын педагогларына акыллы һәм бик кирәкле киңәшләре белән дә уртаклаштылар, хезмәт юлында булган вакыйгаларны күңел сандыгыннан ачтылар.

Әлеге бәйрәмебездә республикакүләм "Ел тәрбиячесе-2024"конкурсының бакчакүләм этабына да нәтиҗәләр ясалды. Кичәбез ахырында остазларыбызга  сәламәтлек, җан тынычлыгы теләп, балалар бакчасы тарафыннан әзерләнгән "Үткәннән киләчәккә" җыентыгы  бүләк буларак тапшырылды.

Гүзәл Сәрвәрова, Яңа Әлем балалар бакчасы мөдире