БДИ үткәрү даталары билгеле

Рособрнадзор 2024 елга Бердәм дәүләт имтиханын (БДИ) үткәрү даталарын раслады. Төп чор 23 майда башлана, ул 1 июльдә тәмамлана.

Имтиханнарны вакытыннан алда тапшыру вакыты 22 марттан 22 апрельгә кадәр, өстәмә вакыты 4 сентябрьдән 23 сентябрьгә кадәр узачак. БДИның төп чорын 23 майда география, әдәбият һәм химия буенча имтиханнар ачачак.

Рус теле буенча БДИ 28 майда, база һәм профиль дәрәҗәсендәге математика буенча 31 майда узачак. Җәмгыять белеме буенча БДИ 4 июньдә, тарих һәм физика буенча — 10 июньдә, биология һәм чит телләр буенча БДИның язма өлеше буенча — 13 июньдә узачак.

Традиция буенча, информатика буенча БДИ һәм чит телләр буенча имтиханның телдән өлеше үткәрү өчен расписание проектында икешәр көн каралган. Информатика буенча БДИны 7 һәм 8 июньдә, чит телләр буенча БДИны 17 һәм 18 июньдә уздыру планлаштырыла.

20 июньнән 1 июльгә кадәр расписаниедә барлык фәннәр буенча БДИ үткәрү өчен резерв көннәр каралган.