Олы юллар сызганнарны - тамырлардан күреп танырлар: Казанда Актаныш мәдәнияте көннәре узачак
Бу көннәрдә Казанның мәдәният сарайларында республикабыз районнарының мәдәният көннәре уза. Актаныш районы Мәдәният көне 1 ноябрьдә «Әкият» курчак театрында булачак. Актанышлылар әлеге мөһим чарага ныклы әзерлек алып бара.
Әлфия Авзалова исемендәге район мәдәният йортында тамашачыларга "Олы юллар сызганнарны - тамырлардан күреп танырлар" дип аталган зур концерт тәкъдим ителде. Актанышның, авыл җирлекләренең барлык мәдәният, сәнгать әһелләрен туплаган тамаша бер сулышта узды. Әлеге концерт програмасы махсус Казанда булачак Актаныш районы мәдәнияте көннәре өчен әзерләнде.
Башкалабызда яшәүче якташларыбыз бу грандиоз чараны 1 ноябрь көнне "Әкият" курчак театрында карый алачак. Шулай ук концерт алдыннан авылларыбызның тарихи байлыгына багышланган күргәзмә эшләячәк. Бәйрәм 16:00 сәгатьтә башлана. Концертыбызга рәхим итегез, кадерле якташлар!
Руслан Усманов фотолары
Следите за самым важным и интересным в Telegram-каналеТатмедиа
Нет комментариев