Актанышта «Созвездие-Йолдызлык» фестиваленнән мастер-классларга старт бирелде

Яңа иҗат сезоны алдыннан "Созвездие-Йолдызлык" фестивале катнашучыларны әзерләүнең аерылгысыз өлешенә әверелгән традицион мастер-класслар сериясенә Актаныш районыннан старт бирде. Бүген Әлфия Авзалова исемендәге район мәдәният йортында танылган жюри әгъзалары белән иҗади очрашу уза.

Актаныш педагоглары һәм аларның укучылары өчен оештырылган мастер-класслар иҗади потенциалны ачуга һәм конкурс номерларын камилләштерүгә юнәлдерелгән. Тәҗрибәле экспертлар дөрес иҗади юнәлеш сайлау, техника өстендә эшләү һәм истә калырлык якты чыгышлар ясау буенча кыйммәтле киңәшләр белән уртаклаша.

Фестиваль кысаларында танылган сәхнә осталары һәм сәнгать эшлеклеләре Актанышның нәни иҗатчыларын эстрада сәнгатенең төрле жанрлары белән таныштырачак. Вокал, хореография, конферанс — иҗатның бу төрләренең һәркайсы бай эчтәлекле программа кысаларында тәкъдим ителәчәк.

"Созвездие-Йолдызлык" талантлы башкаручыларны берләштерүен дәвам итә, аларга иң яхшылардан гына өйрәнергә һәм үз күнекмәләрен камилләштерергә уникаль мөмкинлек бирә. Яңа сезон тагын да яктырак һәм бай программалы булырга ошап тора, ә мастер-классларда шөгыльләнү күп катнашучылар өчен уңышка ирешү юлында мөһим адым булачак.