Ленар Зарипов райондашларны Корбан гаете белән котлый

Гасырлар буена әлеге якты бәйрәм мөселман өммәтенең тормышында зур роль уйный, кешеләрне берләштерә, исламга иңдерә, борынгы тарихка, гореф-гадәтләргә хөрмәт тәрбияли.

Аллаһы Тәгалә кылган гыйбадәтләрне, укыган барлык догаларны, чалган корбаннарны кабуллардан кылсын!

Корбан гаете мөбарәк булсын! Мәчетләребез тулып торсын, авыллар өстендә азан моңы тынмасын. Кылган догалар аша яшәешебезгә көч-куәт, илһам өстәлсен. Изге бәйрәмебез игелекле эшләргә өндәсен, киләчәк көннәргә якты өметләр алып килсен.

Игелекле гамәлләрегездә уңышлар, сәламәтлек, бәхет юлдаш булсын! Һәр гаиләгә ныклы иман, илгә иминлек, күкләргә тынычлык телим!