Югары Яхшый авылында яңа төзелүче мәчетнең бүген манарасын күтәрделәр

                Районыбызда әнә шундый Аллаһ йортларының саны елдан-ел арта. Югары Яхшый авылында да меценатлар ярдәме белән бик матур мәчет төзелә. Бу Актаныш районындагы 55нче мәчет булачак. 

Бүген әлеге мәчеткә манара куелды.

            Мәһабәт бинаны төзетүне быелның июнендә Югары Яхшый авылында туып-үскән, хәзерге вакытта Ижау шәһәрендә яшәүче райондашыбыз Тимербулат Әхмәдулин башлап җибәрә. Инде төзелеш эшләре акрынлап тәмамлануга таба. Мәчетне сафка бастыруныТимербулат Гомәр улы тулысынча үзе күтәрә. Киләчәктә Югары Яхшыйда әлеге гүзәл архитектура корылмасының ачылышын күрергә язсын.

Манарасына ай куелган изге йорт халыкка озак еллар иман нуры таратсын!

Игелекле нигез мөселман кардәшләребезгә җир-күкләребезне бар иткән бөек Аллаһы Тәгаләгә иман китереп дога кылу урынына әйләнсен.  

Ләйсән Газизова, "Актаныш-информ"