Актаныш Рамазан аен каршыларга әзерләнә

Карагыз әле, «Мәрьям» кибете һәм «Ак Кара» типографиясе хуҗалары бинабызны нинди матур итеп бизәп куйдылар.

Бүген кич елның иң Мөбарәк ае башлана. Бу бөтен дөнья буенча миллионлаган кеше үз йөрәкләрен ачарга һәм күңелләрен чистартырга әзерләнә торган вакыт. Рамазан- ул ашау - эчүдән тыелу гына түгел. Бу гафу итү, мәрхәмәт һәм эчке яңарыш ае.

Рамазанның һәр көне- үзеңнән яхшырак булу мөмкинлеге. Бу үпкәләрне оныту, гафу итү, мохтаҗларны искә төшерү һәм тынычлыкка һәм үз-үзеңдә гармониягә юл табу вакыты. Бу айда безнең гамәлләребез аеруча әһәмияткә ия, ә догаларыбыз һәм теләкләребез аеруча тиз кабул була.

Рамазан безгә бу дөнья өчен генә түгел, ә Мәңгелек өчен дә яшәвебезне искә төшерә. Җәннәт капкалары ачыла, һәм һәркайсыбызның үз тормышын үзгәртергә мөмкинлек барлыкка килә.