Актанышта- яңа светофор!

Юл хәрәкәтендә катнашучыларның иминлеген, сәламәтлеген саклау, һәлакәтләргә юл куймау көн кадагындагы иң мөһим мәсьәлә. Светофорлар, юл билгеләре әнә шул максаттан куела да инде. 

Ленин проспектының район хакимияте янындагы җәяүле кичүе янына бүген светофор урнаштырыла. 

Кисәтүче светофорны Казанның "Комплекслы куркынычсызлык" төзелеш компаниясе төзүче- монтажчылары куя. Светофор машина йөртүчеләрне ерактан ук сак һәм хәвеф-хәтәрсез йөрергә ишарәләп янып-сүнеп торачак.

Ел башыннан әлеге компания белгечләре республикабызның Апас, Тәтеш, Мамадыш авыл-шәһәрләрендә дә юл куркынычсызлыгын тәэмин итүче светофорлар белән тәэмин иткәннәр.