Яңа уку елыннан мәктәпләрдә кабат сызым дәресләре укытыла башлый

Актаныш районы мәгариф хезмәткәрләре конференциясендә мәгариф идарәсе мөдире Раниза Шакирова яңа уку елыннан кертелүче үзгәрешләр белән таныштырды. Менә алар:

• «Тормыш иминлеге нигезләре» предмет исеме «Ватанны саклау һәм иминлек нигезләре» итеп үзгәртелде. Ул үз эченә башлангыч хәрби әзерлек курсларын да ала;
• «Технология» предметы исеме «Хезмәт (технология)» итеп үзгәртелде. Ул биш мәҗбүри модульне һәм өч факультативны үз эченә ала;
• «Рус әдәбияты» дәреслегендәге әсәрләр исемлеге яңартылды;
• «Тарих» фәне федераль эш программасы «Безнең төбәк тарихы» укыту курсы белән тулыландырылды;
• «Физик тәрбия» предметына яңа модульләр өстәлде;
• Төп һәм урта гомуми белем бирү дәрәҗәсендә мәктәпләрдә «Сызым (черчение)» дәресләре кабат укытыла башлаячак;
• Югары сыйныф укучылары класстан тыш өстәмә курс —«Гаилә белеме (нигезе) («Семьеведение») укыячак;
• «География» предметы программасына Кырым, Донецк Халык Республикасы, Запорожье һәм Херсон өлкәләре турында материаллар белән яңартылды.