Ишеттегезме әле?
Чаналарыгызны әзерли торыгыз, гаилә белән ярышлар көтелә
Бүген районыбызның оешма-предприятиеләрендә Яңа ел бәйрәмнәренә әзерлек, балалар иртәләре оештыру, корпоративлар үткәрү буенча эшчәнлек башланып китте.
Районыбызда узачак чаралар планы да эшләнде. Гадәттәгечә, ул бай программалы, тирән эчтәлекле, халыкны ял көннәрендә сәламәт яшәү рәвешенә тартучы күңелле чаралар, тамашалар белән тулы.
Әлегә барлык серләрне дә ачмый торабыз. Әмма чаналарыгызны әзерләп, матурлап, ныгытып куярга чакырабыз. Яңа елның тәүге көнендә Актанышта гаилә белән чанада узышу бәйгесе оештырылачак. Аның турыда без якын арада сезне тулырак таныштырырбыз.
Яңа ел бәйрәмнәре матур узсын, 2024 нче ел хәере, бәрәкәте белән килсен!
Следите за самым важным и интересным в Telegram-каналеТатмедиа
Нет комментариев