Актаныш радиосы тыңлаучылары Актаныш муниципаль театры премьерасы билетларына ия булды
90.00 FM дулкынында эшли башлаган «Актаныш» радиосы бүген тыңлаучылары өчен зур бүләк ясады. Иң актив тыңлаучылар Актаныш муниципаль район драма һәм комедия театры коллективы белән оештырылган туры эфирда театр премьерасына билетка ия булды.
Театр яктылыкка, нурга илтә! Районыбыз горурлыгы булган Актаныш муниципаль район драма һәм комедия театры Республикада, күрше-тирә регионнарда танылу яулап, халкыбызга рухи байлык өләшә.
Бүген, 7 нче октябрь көнне 12.00 сәгатьтә туры эфирда театр артистлары радиотыңлаучылар белән очрашты. Тапшыру барышында иң кызыклы фикер әйтүче яки сорау бирүче билгеләнде. Әлеге истәлекле бүләккә Актаныш авылында яшәүче Роза хуҗина белән Данисә Хәйдәрова лаек булды. Җиңүчеләргә бүген Әлфия Авзалова исемендәге район мәдәният сараенда сәхнәләштереләчәк "Җырым табар сине" спектакле премьерасына чакыру билетлары тапшырылды.
Следите за самым важным и интересным в Telegram-каналеТатмедиа
Нет комментариев