Татар Суыксуында «Җылы куллар» түгәрәге үз эшен башлап җибәрде

Китапханәче Ленара Галимова авыл хатын-кызларын янә китап йортына кунакка дәште. Очрашуга Татар Суыксуы участок хастаханәсе баш табибәсе Наилә Әминова да килгән иде.  Наилэ Рафаэль кызы авылдашларга грипп авыруы һәм аннан саклану чаралары турында сөйләде. Сәламәтлекне саклауга  кагылышлы бик күп сорауларга җаваплар бирде, киңәшләрен җиткерде. 

Актив гүзәл затлар "Җылы куллар" түгәрәген узган елдагы кебек җанлы итеп алып барырга ниятли. Очрашуда бергәләп киңәш-табыш иттеләр, тагы да файдалы гамәлләр кылырга сүз куештылар. 

- Быел да исән-сау гына, бердәм булып, игелекле гамәлләр кылып, күңелле итеп очрашыйк . Җаннарыбызга рәхәтлек, рухи азык алып яшик. Сафларыбыз тагын да артсын!- ди Татар Суыксуының актив апалары.