Өйдәге интернет роутерын төнгә сүндерергә кирәкме?

Иминлек буенча белгечләр Wi-Fi-роутерны төнгә сүндереп калдыру ихтыяҗы булмавын аңлата.

«Халык өчен кибериминлек» компаниясе директоры Олег Седов сүзләренчә, Wi-Fi-роутерга кешеләр һөҗүм итсә, аны төнгә сүндерүдән мәгънә булыр иде. Белгеч һөҗүмне роботлар башкаруын, ә алар өчен көн белән төннең аермасы булмавын әйтә.

Седов гади кибергигиена кагыйдәләрен үтәргә, кушымталар һәм җайланмаларда иминлек программаларын куярга өнди.

Тагын бер белгеч — Луис Корронс та роутерны төнгә сүндерүдән мәгънә юк дип саный. Wi-Fi-роутерны ватып керү өчен җинаятьче Челтәр зонасында булырга тиеш. Эксперт иминлек өчен киңәшләр бирә. Ул роутер көйләнмәләрендә стандарт исемнәр һәм парольләрне алмаштырырга кирәк, ди. Аеруча чит кешедән роутер алсагыз, логин-парольне үзгәртергә кирәк.

Шулай ук башкалар ватып керә алмасын өчен, WPA2 һәм WPA3 шифрлау мөмкинлеген сүндермәгез. Хакер башка компьютердан читтән торып керә алмасын өчен, роутер көйләнмәләрендә читтән торып администрацияләү мөмкинлеген сүндерегез, диелә хәбәрдә.

intertat