Татарстанда 450 гаилә "Яшь гаилә" программасы кысаларында тораклы булды

         Программада теләсә кайсы яшь гаилә катнаша ала, ә гариза бирүче 35 яшькә кадәрге ир яки хатын булырга тиеш. Программа шартлары буенча, торак шартларын яхшыртуга мохтаҗлык ташламалы норма буенча билгеләнә- яшь гаиләнең бер әгъзасына 18 кв.метрдан кимрәк торак туры килә, мондый шартлар бөтен республика буенча гамәлдә. Шулай ук претендент Татарстан территориясендә яшәү урыны буенча теркәлергә һәм хезмәт эшчәнлегенә ия булырга тиеш.

        Социаль ипотека программасында катнашучылар торак өчен беренчел взносның 10 процент күләмендә кертем керткәндә, фатирга тизрәк ия була алалар.