Пучы авылында 1971 елгы хатын-кызны вәхшиләрчә үтергәннәр

         Минзәлә шәһәрендә яшәүче 1965 елгы ир-ат 1971 елгы хатын-кызга 5 тапкыр пычак белән кадый. Тикшерүчеләр әйтүенчә, өчесе үлемгә китерә торган яра була. Мәрхүмә шунда ук җан бирә. Вәхши җинаять урыныннан кача, аны иртәнге 09.00 сәгать тирәсендә Иске Айман авылында күрәләр һәм хәбәр итәләр. Оператив хезмәткәрләр шунда ук бу ир-атны тоткарлый.
          Җинаять вакыйгасына кадәр хатын-кыз абыйсына бу ир кешенең аны эзәрлекләве турында әйтә. Абый кеше үз чиратында бу хакта авыл җирлеге башлыгына һәм участок полициясе хезмәткәренә җиткерә. Кызганыч, фаҗига вакытында авызлыкланмый.

"Кеше үтерү" маддәсе буенча җинаять эше кузгатылган. Ир үз гаебен таный.