ФАП мөдире коронавируска каршы вакцинация сертификатлары саткан

              Лениногорск районындагы фельдшер-акушерлык пункты мөдире антиваксерларга, ягъни прививкага каршы булган, прививка ясатырга теләмәгән кешеләргә сертификатлар саткан, әлеге факт тикшерү органнарына барып ирешкән.

            Тикшерү органнары тарафыннан аңа карата “Ришвәт алу” маддәсе буенча җинаять эше кузгатылган. Тикшерү версиясе буенча, ФАП мөдире ике кешегә коронавируска каршы вакцинация сертификаты сатып, 12 мең акча “эшләгән”. Теге клиентлар сертификатлы булган. Дәүләт хезмәтләре порталында прививкалар турында мәгълүмат чыккан.

              Клиентлар аның буенча Лениногорск үзәк район хастаханәсендә процедуралар үткән. Законга каршы гамәлне Татарстан эчке эшләр министрлыгы хезмәткәрләре ачыклаган.