Бүген прокурор күзәтчелеге институтына нигез салынуга 300 ел тулды

            Быел прокурор күзәтчелеге институтына нигез салынуга 300 ел тулды. Ул Петр чорында барлыкка килде һәм шул вакыттан бирле теләсә нинди, хәтта иң катлаулы вакытларда да, закон сагында тора, дип белдерде, ведомствоны һәм аның хезмәткәрләрен юбилей белән котлап, ТР Премьер-министры Алексей Песошин.

             «Бүген прокуратура — безнең илнең хокук саклау системасының төп институтларының берсе, ул законлылык һәм хокук тәртибе принципларын саклый», — дип искәртте ул.

            Песошин прокуратура органнарының төп бурычлары — гражданнарның хокукларын һәм ирекләрен яклау, җинаятьчелеккә каршы компромиссыз көрәш булды һәм шулай булып кала да, диде.

               «Республика җитәкчелеге сезнең авыр, әмма намуслы хезмәтегез, законлылыкны һәм хокук тәртибен ныгытуга зур өлеш кертүегез өчен ихластан рәхмәт белдерә», — дип өстәде ул.

               Ахырда Премьер-министр ведомство хезмәткәрләренә һәм ветераннарына сәламәтлек, бәхет һәм сайланган эштә яңа казанышлар теләде. 

Чыганак: Татар-информ