Аек акыл белән уйланыгыз: тамак чылатып дөнья алга бармый

      Суд карары буенча машина таныклыгыннан мәхрүм ителү бер хәл, аның матди ягы да гаилә бюджетын саллы саектыра. 30 мең сум бүгенге көндә кем өчендер кесә акчасы гына тоелса да, айлык хезмәт хакы 15 мең сумнан артмаганнар да шактый арабызда. 

       20 октябрьдә Миңнуллин Әнфис Ингел улына карата РФ КоАП 12.8 маддәсенең 1 өлеше буенча административ хокук бозу турындагы эш буенча ачык суд утырышы булды. Татарстан Республикасы Актаныш районы буенча 1 нче суд участогы җәмәгать судьясы карары белән гражданин Ә.И. Миңнуллин административ хокук бозуда гаепле дип танылды һәм автомобиль белән идарә итү хокукыннан 1 (бер) һәм 6 (алты) айга мәхрүм ителде. Бәза моның белән генә чикләнми, гаилә бюджетына да хәйран суга.  Әлфис Ингел улы 30 000 (утыз мең) сум күләмендә административ штраф та түләячәк. 

Исерткеч эчемлекләр капканчы аек акыл белән тагын бер кат уйланыгыз, якыннарыгызга, үзегегезгә проблемалар тудырмагыз.