8 февраль 2024 яңалыклары
-
Әти-әни һәм мин- юл кагыйдәләрен яхшы беләбез!
Гомер шундый бурыч белән бирелгән, без аны һәрвакыт сакларга тиеш. Гомер безгә җир шарында яшәү бәхете бирә. Ә кеше яшәү өчен һәрвакыт энергияле, эшкә яраклы, җитез, тапкыр, сәламәт булырга тиеш. Сау-сәламәт кеше гел юлда, гел хәрәкәттә. Димәк, хәрәкәттә булгач, аның кагыйдәләрен дә үтәргә тиешбез. «Умырзая» балалар бакчасында «Әти-әни һәм мин- юл кагыйдәләрен яхшы беләбез!» дигән тема буенча юл йөрү кагыйдәләрен өйрәнүгә, белемнәрне кабатлауга нигезләнгән эчтәлекле чара узды.
-
Яшь батырларның исемнәрен онытмыйк
Бүген, 8 февраль- Яшь антифашистларны искә алу көне. Әлеге дата Берләшкән Милләтләр Оешмасы ассамблеясе раславы буенча, 1964 елдан башлап билгеләп үтелә. 8 февральдә, антифашист акцияләре вакытында, мәктәп укучысы француз Даниэль Фериның (1962) һәм ирак малае Фадыл Джамалның (1963) гомерләре өзелә. Икенче бөтендөнья сугышында нәкъ менә шул көнне яшерен эш алып баручы дусларын сатмаган өчен Парижның “Бюффон” лицеенда укучы биш малайны атып үтерәләр. Ни кызганыч, туры килүме, бу канлы тарихи көндә Олег Кошевой, Любовь Шевцова, Дмитрий Огурцов, Виктор Субботин, Семен Остапенко (1943) кебек совет яшь гвардиячеләре дә фашистлар кулыннан һәлак була.
-
Исемең калыр җирдә җыр булып: Хәрби операциядәге егетләргә унынчы тапкыр гуманитар ярдәм илткәндә һәлак булган Алмаз Кашаповны соңгы юлга озаттылар
Районыбызның ишеген тагын кайгы җиле шакыды, махсус хәрби операциядәге егетләргә унынчы тапкыр гуманитар ярдәм илткәндә Алмаз Кашаповның юл һәлакәтендә гомере өзелде. Бүген, 8 февраль көнне райондашлар, күрше-тирә төбәкләрнең волонтерлары Алмазны соңгы юлга озатты.
-
Икенче атнага Кышкы спартакиада кысаларында өстәл теннисы ярышлары башлана
Районыбызның оешма-предприятие коллективлары арасындагы традицион кышкы спартакиаданы өстәл теннисы бәйгесе башлап җибәрә.
