Татарстанда 1 апрельдән йөк машиналары хәрәкәте вакытлыча чикләнәчәк

          Татарстан юлларында йөк ташу хәрәкәте вакытлыча чикләнәчәк. Тиешле документ юридик мәгълүмат порталында бастырыла.

         1 апрельдән 30 апрельгә кадәр 6 тоннадан артык йөк белән йөрүче машиналар өчен төбәкара һәм шәһәрара әһәмиятле юлларда хәрәкәт чикләнәчәк.

           Шулай ук, 20 майдан 31 августка кадәр, 10.00 сәгатьтән 22.00 сәгатькә кадәр, йөк машиналарның региональ асфальт бетон юлларда йөрүе тыелачак. Бу көндезге һава температурасы + 32 ° тан югары булганда төп таләп.