Ленар Зарипов: Бәйрәм көнне генә түгел, бу изге гамәлләр ел дәвамында кабатлансын иде

Район башлыгы Ленар Зарипов Халыкара Өлкәннәр көне белән котлады:

«Хөрмәтле өлкәннәребез! Кадерле сугыш һәм хезмәт ветераннары! Үзләренең гомерләрен районыбызны, авылларыбызны үстерүгә багышлаган әтиләр һәм әниләр! Сезне ихлас күңелдән Халыкара өлкәннәр көне белән тәбрик итәм.
 
Һәрберебезнең күршесендә, якында өлкән яшьтәге ялгыз абый-апалар яшидер. Аларга игътибар күрсәтеп, ярдәмләшеп яшик. Бәйрәм көнне генә түгел, бу изге гамәлләр ел дәвамында кабатлансын иде. Кайчак бер җылы сүз җанны эретеп, яшәргә көч һәм дәрт бирә» дип яза ул үзенең рәсми Телеграм каналында